Страхаванне адказнасці за невыкананне або неналежнае выкананне гарантыйных абавязацельстваў па дагаворы будаўнічага падраду

Для заключэння дагавора страхавальнік можа звяртацца ў любое падраздзяленне Белдзяржстраху.

Дагавор страхавання заключаецца на падставе пісьмовай заявы страхавальніка (Дадатак 2 да правілаў страхавання).

Адначасова з заявай аб страхаванні страхавальнік па патрабаванні страхоўшчыка дае апошняму наступныя дакументы (іх копіі, завераныя кіраўніком страхавальніка):

- устаноўчыя дакументы, пасведчанне аб дзяржаўнай рэгістрацыі страхавальніка (у выпадках, калі дагавор страхавання з гэтым страхавальнікам заключаецца ўпершыню) або ўнесеныя ў іх змяненні і дапаўненні;
- праект дагавора будаўнічага падраду з наступным прадастаўленнем копіі заключанага дагавора будаўнічага падраду;

- дакументы, якія сведчаць аб фінансавым становішчы страхавальніка (бухгалтарскі баланс з дадаткамі і інш.);

- іншыя дакументы, неабходныя для вызначэння ступені рызыкі (па патрабаванні страхоўшчыка).

Азнаёміцца з правіламі № 92 добраахвотнага страхавання адказнасці за невыкананне або неналежнае выкананне гарантыйных абавязацельстваў па дагаворы будаўнічага падраду.

 

 

факт невыканання або неналежнага выканання страхавальнікам сваіх абавязацельстваў па ўстараненню выніку будаўнічых, спецыяльных, мантажных работ неналежнай якасці, выяўленага ў перыяд гарантыйнага тэрміну эксплуатацыі аб'екта будаўніцтва, прадугледжаных дагаворам будаўнічага падраду на ўзвядзенне, рэканструкцыю, капітальны рамонт, рэстаўрацыю і добраўпарадкаванне аб'екта будаўніцтва, заключаным страхавальнікам з заказчыкам, забудоўшчыкам у адпаведнасці з правіламі заключэння і выканання дагавораў будаўнічага падраду, якія зацвярджаюцца Саветам Міністраў Рэспублікі Беларусь, з прычыны наступных акалiчнасцяў:

- неплацежаздольнасці або банкруцтва страхавальніка, якая наступіла ў перыяд гарантыйнага тэрміну эксплуатацыі аб'екта будаўніцтва;

- ліквідацыі страхавальніка – юрыдычнай асобы або спынення дзейнасці страхавальніка – індывідуальнага прадпрымальніка (па прычынах іншых, чым неплацежаздольнасць або банкруцтва), якія надышлі ў перыяд гарантыйнага тэрміну эксплуатацыі аб'екта будаўніцтва.

 

Дагавор страхавання заключаецца на тэрмін, які адпавядае тэрміну будаўніцтва і гарантыйнаму тэрміну эксплуатацыі аб'екта будаўніцтва, прадугледжанага дагаворам будаўнічага падраду.