Парадак узаемадзеяння са СМІ

Паважаныя кіраўнікі і супрацоўнікі друкаваных і электронных сродкаў масавай інфармацыі!

 

У страхавых праваадносінах тым ці іншым чынам задзейнічана практычна ўсё дарослае насельніцтва нашай краіны, і, такім чынам, грамадская цікавасць да страхавой тэматыкі апраўдана вялікая. Інстытут страхавання, з'яўляючыся спецыфічнай сферай дзейнасці з падвышанай прадпрымальніцкай рызыкай, заснаваны на цвёрдым прававым рэгуляванні, патрабуе адмысловых ведаў і высокага ўзроўня даверу ўсіх удзельнікаў адносін. Гэта абумоўлівае гранічную значнасць аб'ектыўнай інфармацыі аб страхаванні. Найноўшая гісторыя страхавога рынку ведае нямала прыкладаў выбуховага ўздзеяння няякаснай інфармацыі з негатыўнымі наступствамі для страхавых арганізацый і іх кліентаў. 

 

Белдзяржстрах, з'яўляючыся найбуйнейшай страхавой арганізацыяй рэспублікі, зацікаўлены ў распаўсюджванні дакладнай інфармацыі аб страхаванні і ў пацвярджэнне гэтага праводзіць адкрытую палітыку ў адносінах са сродкамі масавай інфармацыі. Кіраўніцтва і работнікі прадпрыемства сістэматычна прымаюць удзел у тэле- і радыёпраграмах па пытаннях страхавання, якія транслююцца рэспубліканскімі і мясцовымі электроннымі СМІ, іх публікацыі аб страхаванні рэгулярна размяшчаюцца на старонках большасці рэспубліканскіх і мясцовых выданняў. Акрамя таго, для аператыўнага інфармавання аб актуальных пытаннях створаны адпаведныя раздзелы на вэб-сайце прадпрыемства. 

 

Белдзяржстрах выказвае гатоўнасць аказваць усялякае садзейнічанне ў падрыхтоўцы якасных інфармацыйных матэрыялаў на страхавыя тэмы. 

 

Пры гэтым у выпадку неабходнасці звароту па інфармацыю ў Белдзяржстрах пераканаўча просім улічваць наступнае: 

1. Статус Белдзяржстраха – рэспубліканскае унітарнае страхавое прадпрыемства. Белдзяржстрах не з'яўляецца органам, які ажыццяўляе нарматворчую дзейнасць, і як звычайны суб'ект прадпрымальніцкай дзейнасці толькі прымяняе нормы заканадаўства. Менавіта таму не ўсе пытанні па страхавой тэматыцы могуць быць пракаменціраваны яго работнікамі. Дача каментароў па пытаннях, якія не ўваходзяць у кампетэнцыю Белдзяржстраха, па-першае, некарэктная ў адносінах да арганізацый, у кампетэнцыю якіх гэтыя пытанні ўваходзяць, а, па-другое, можа пацягнуць негатыўныя наступствы ў выпадку няправільнага тлумачэння.

2. Пры неабходнасці падрыхтоўкі матэрыялу па страхавой тэматыцы кансультацыя кампетэнтнага спецыяліста не будзе лішняй, да таго ж ні да чаго журналіста не абавязвае і ні ў якай меры не ўшчамляе аўтарскіх правоў, але пры гэтым на аснове меркаванняў, магчыма нават альтэрнатыўных, істотна павышаецца верагоднасць падрыхтоўкі якаснага матэрыялу. 

3. Захаванне пісьмовай формы зносін – лепшы спосаб забеспячэння ўзаемаразумення і ўстанаўлення ступені адказнасці выканаўцаў. Выклад пытання ў пісьмовай форме дае больш шанцаў на яго адназначнае разуменне тым, хто яго задаў, і тым, хто на яго адказвае. Падрыхтаваны ў пісьмовай форме адказ дазваляе дакладна зафіксаваць яго сутнасць, пасля неаднаразова спасылацца на яго, выключыўшы некарэктную інтэрпрэтацыю інфармацыі. Наяўнасць у пытанні і адказе дат і подпісаў упаўнаважаных службовых асоб дае магчымасць ідэнтыфікаваць адказных і мінімізаваць верагоднасць узнікнення канфліктных сітуацый. 

4. Падрыхтоўка адказаў на пытанні патрабуе вызначанага часу. У выпадках, калі рашэнне па сутнасці пастаўленага пытання неадназначнае, або калі ідзе размова аб так званых «складаных справах» (зразумела, што менавіта яны з'яўляюцца прычынай большасці зваротаў), падрыхтоўка неабходнай інфармацыі можа запатрабаваць вывучэння значнага аб'ёму дакументаў і фактычных абставін. Пры гэтым часта якасць і хуткасць падрыхтоўкі адказу залежаць ад правільнай фармулёўкі пытання. 

5. Калі рыхтуецца матэрыял, у якім змяшчаецца негатыўная пазіцыя ў адносінах да Белдзяржстраха, або яго работнікаў, гэтая акалічнасць не можа быць перашкодай для атрымання журналістамі поўнай і дакладнай інфармацыі. Пры звароце ў Белдзяржстрах будзе дадзена магчымасць вывучэння ўсіх аспектаў праблемы. 

6. Улічваючы выключную важнасць пытання, на прадпрыемстве вызначаны парадак узаемадзеяння са сродкамі масавай інфармацыі, у адпаведнасці з якім работнікі прадпрыемства ў выпадку паступлення звароту ад прадстаўніка сродкаў масавай інфармацыі (па тэлефоне, факсе, пісьмова, асабіста і інш.) на прадмет атрымання адпаведнай інфармацыі неадкладна інфармуе аддзел рэкламы і маркетынгу з тым, каб задзейнічаць адпаведных спецыялістаў Белдзяржстраха па пытанні і паведаміць прадстаўніку сродку масавай інфармацыі максімальна поўныя і аб'ектыўныя даныя. 

 

Для атрымання актуальнай і карыснай інфармацыі існуе некалькі правіл:

1. Пытанне аб удзеле работнікаў Белдзяржстраха ў тэле- і радыёперадачах можа быць вырашана пасля паступлення ў Белдзяржстрах адпаведнага запыту, складзенага на афіцыйным бланку арганізацыі, і які змяшчае подпіс упаўнаважанай службовай асобы. Каб паскорыць прыняцце рашэння, у запыце пажадана ўказаць тэму праграмы, прыкладны пералік пытанняў, на якія неабходна даць адказ, час і месца здымкі і (або) эфіру, а таксама даныя кантактнай асобы (прозвішча, імя, імя па бацьку, нумар тэлефона). 

2. Пытанні, якія маюць патрэбу ў адказе або каментарыі, могуць быць накіраваны ў Белдзяржстрах па пошце або факсе на афіцыйным бланку арганізацыі за подпісам упаўнаважанай службовай асобы, або па электроннай пошце. Для атрымання, пры неабходнасці, дадатковай інфармацыі пажадана пазначыць дадзеныя кантактнай асобы з указаннем П.І.Iмя па бацьку аўтара ліста, наймення СМІ і кантактнага тэлефона.

 

Паштовы адрас: 220036, Рэспубліка Беларусь, г. Мінск, вул. К. Лібкнехта, 70.

Факс: +375 17 373-86-08.

Адрас электроннай пошты: info@bgs.by (тэма: Для аддзела рэкламы і маркетынгу).

 

Першасныя тлумачэнні па наяўных пытаннях упаўнаважаны даваць начальнік аддзела рэкламы і маркетынгу Дуброва Мікалай Мікалаевіч, тэл: +375 17 269-26-94. 

3. Афіцыйнай пазіцыяй Белдзяржстраха па пытаннях, якія паступілі ад сродкаў масавай інфармацыі (за выключэннем зваротаў грамадзян, якія паступілі са сродкаў масавай інфармацыі) з'яўляецца накіраваны па пошце або факсе матэрыял, падпісаны генеральным дырэктарам або намеснікам генеральнага дырэктара Белдзяржстраха (у адпаведных выпадках — асобай, якая выконвае іх абавязкі). Адказы на звароты грамадзян, у тым ліку якія паступілі са сродкаў масавай інфармацыі, маюць права даваць і іншыя ўпаўнаважаныя службовыя асобы Белдзяржстраха (кіраўнікі ўпраўленняў, намеснікі генеральнага дырэктара па кампетэнцыі). Афіцыйнай пазіцыяй Белдзяржстраха можа таксама з'яўляцца матэрыял, накіраваны па электроннай пошце, пры наяўнасці на прадпрыемстве дубліката, аформленага ў адпаведнасці з унутрыкарпаратыўнымі правіламі. 

4. Меркаванні, якія паступілі ў сродкі масавай інфармацыі ад Белдзяржстраха па формах, іншых, чым указаны ў пункце 3, не з'яўляюцца афіцыйнай пазіцыяй Белдзяржстраха, прадпрыемства не нясе адказнасці за іх змест. Работнікі Белдзяржстраха, якія з'явіліся крыніцай такіх паведамленняў, дапусцілі парушэнне правілаў узаемадзеяння са сродкамі масавай інфармацыі, у выпадку прычынення шкоды інтарэсам прадпрыемства нясуць адказнасць ва ўстаноўленым парадку.