Інфармацыя для застрахаваных

Застрахаваны, або асоба, якая мае права на атрыманне страхавых выплат, мае права:

- атрымліваць страхавыя выплаты ў парадку і на ўмовах, устаноўленых у гэтым раздзеле, пры наступленні страхавога выпадку;
- удзельнічаць у расследаванні няшчаснага выпадку на вытворчасці або прафесійнага захворвання;
- абскарджваць рашэнне па пытаннях расследавання няшчаснага выпадку на вытворчасці або прафесійнага захворвання;
- абараняць свае правы і законныя інтарэсы, у тым ліку ў судзе;
- самастойна звяртацца ў МРЭК па пытанні аб аглядзе або перааглядзе;
- бясплатна атрымліваць ад страхавальніка і страхоўшчыка інфармацыю аб абавязковым страхаванні ад няшчасных выпадкаў на вытворчасці і прафесійных захворванняў;
- у парадку, які вызначаецца Саветам Міністраў Рэспублікі Беларусь, бясплатна навучацца бяспечным метадам і прыёмам працы;
- самастойна прадстаўляць звесткі і (або) дакументы, неабходныя для прыняцця страхоўшчыкам рашэння аб прызначэнні страхавых выплат па абавязковым страхаванні ад няшчасных выпадкаў на вытворчасці і прафесійных захворванняў.

Застрахаваны абавязаны:

- у 2-х тыднёвы тэрмін у пісьмовай форме паведаміць страхоўшчыку пра наступленне абставін, якія цягнуць за сабой змену або спыненне страхавых выплат, а таксама аб змене месца жыхарства;
- выконваць рэкамендацыі, прадугледжаныя заключэннямі МРЭК, праходзіць медыцынскі агляд у тэрмін, устаноўлены гэтай камісіяй.

У залежнасці ад віду, цяжкасці страхавога выпадку, ступені страты застрахаваным прафесійнай працаздольнасці і іншых фактараў дадзеным відам страхавання прадугледжана прызначэнне і ажыццяўленне наступных відаў страхавога забеспячэння:

1. Дапамога па часовай непрацаздольнасці, якая прызначаецца ў сувязі са страхавым выпадкам.

2. Даплата да сярэднямесячнага заробку застрахаванага, часова пераведзенага ў сувязі з пашкоджаннем здароўя ў выніку страхавога выпадку на больш лёгкую ніжэйаплачваемую працу да аднаўлення працаздольнасці або ўстанаўлення яе стойкай страты.

3. Аднаразовая страхавая выплата застрахаванаму або асобам, якія маюць права на яе атрыманне ў выпадку смерці застрахаванага.

4. Штомесячныя страхавыя выплаты застрахаванаму або асобам, якія маюць права на яе атрыманне ў выпадку смерці застрахаванага.

5. Аплата дадатковых выдаткаў, звязаных з пашкоджаннем здароўя застрахаванага, яго медыцынскую, сацыяльную і прафесійную рэабілітацыю, у тым ліку выдаткі на медыцынскую дапамогу, пабочны (спецыяльны медыцынскі і бытавы) догляд, санаторна-курортнае лячэнне, забеспячэнне пратэзамі, пратэзна-артапедычнымі вырабамі і іншымі тэхнічнымі сродкамі сацыяльнай рэабілітацыі, прафесійнае навучанне (перанавучанне) і інш.

6. Аплата выдаткаў на пахаванне памерлага застрахаванага.

7.Пакрыццё Фонду сацыяльнай абароны насельніцтва Міністэрства працы і сацыяльнай абароны зробленых выдаткаў на выплату пенсій па інваліднасці і па выпадку страты карміцеля ў сувязі са страхавымі выпадкамі.

Для прызначэння страхавых выплат, якія ажыццяўляюцца непасрэдна страхоўшчыкам, дастаткова звярнуцца да страхоўшчыка з заявай і асобнымі неабходнымі дакументамі. Большасць дакументаў, неабходных для прызначэння страхавых выплат, па жаданні заяўніка могуць быць запатрабаваны страхоўшчыкам самастойна па прынцыпе «адно акно».

expand_less