Памятка

Калі Вы з'явіліся прычыніцелем шкоды ў выніку ДТЗ:

Калі Вы патрапілі ў ДТЗ на тэрыторыі замежнай дзяржавы (акрамя Расіі):

1. Паведаміць аб ДТЗ у дарожную паліцыю. Паліцыя павінна быць выклікана на месца здарэння на тэрыторыі краін Еўразвяза ў выпадку, калі:

• аднаму з удзельнікаў нанесены цялесныя пашкоджанні;
• прычынены значныя матэрыяльныя пашкоджанні маёмасці;
• калі ўдзельнікі не згодны з абставінамі здарэння і ніхто не прызнае сваю віну.  

У большасці краін Еўразвяза (за выключэннем Германіі) выклік паліцыі на месца ДТЗ неабавязковы пры ўмове, калі:

• прычынена толькі нязначная матэрыяльная шкода;
• усе ўдзельнікі здарэння згодны з абставінамі ДТЗ;
• адзін з удзельнікаў прызнае сваю адказнасць у здзяйсненні дадзенага здарэння.

Пры ДТЗ на тэрыторыі Германіі выклік паліцыі абавязковы нават пры нязначнай шкодзе і з удзелам аўтамабіляў з замежнымі рэгістрацыйнымі знакамі.

 2. Перадаць пацярпеламу ў ДТЗ копію сваяго дагавора страхавання

Пры адсутнасці паліцыі на месцы здарэння запоўніць з другім удзельнікам Апавяшчэнне аб аўтааварыі. У Апавяшчэнні аб аўтааварыі павінны быць запоўнены ўсе графы. Апавяшчэнне аб аўтааварыі павінна быць абавязкова падпісана абодвума ўдзельнікамі ДТЗ. Бок, які прызнае сябе вінаватым, ставіць подпіс у дадатковай графе аб прызнанні вінаватасці.

3. Пры наяўнасці некалькіх пацярпелых – запісаць і перадаць ім звесткі аб сваім дагаворы страхавання і транспартным сродку.

4. Рэкамендуецца сфатаграфаваць месца здарэння, транспартныя сродкі ўдзельнікаў ДТЗ і іх пашкоджанні.

У выпадку прычынення шкоды Вашаму здароўю дачакацца дарожнай паліцыі і атрымаць у яе даведку на месцы ДТЗ, якая пацвярджае факт ДТЗ (калі выдача такой даведкі прадугледжана заканадаўствам краіны, на тэрыторыі якой адбылося ДТЗ).

5. Захаваць дакументы, якія пацвярджаюць расходы, панесеныя ў сувязі з ДТЗ.

6. Звярнуцца ў страхавую арганізацыю прычыняльніка шкоды з заявай аб кампенсацыі шкоды, атрыманай у выніку ДТЗ. 

Даныя аб страхавой арганізацыі, якая выдала страхавы поліс абавязковага страхавання, указаны ў гэтым страхавым полісе. 

Заяву аб кампенсацыі шкоды трэба падаць у страхавую кампанію прычыняльніка шкоды да вяртання ў Рэспубліку Беларусь або ўдакладніць магчымасць правядзення незалежнай экспертызы на тэрыторыі Рэспублікі Беларусь.

7. Калі грамадзянская адказнасць іншага ўдзельніка ДТЗ не застрахавана на момант ДТЗ або застрахавана па «Зялёнай карце», трэба ў найкарацейшыя тэрміны звярнуцца ў Бюро краіны здарэння (кантактная інфармацыя размешчана на сайце Савета бюро https://www.cobx.org/)

8. Захаваць аўтамабіль у пасляаварыйным стане да агляду спецыялістам па вызначэнні кошту транспартных сродкаў (накіраванне на такі агляд выдаецца страхавой арганізацыяй, якая выдала страхавы сертыфікат (поліс), або Бюро краіны, на тэрыторыі якой адбылося ДТЗ).

Любыя кансультацыі аб кампенсацыі шкоды ў рамках абавязковага страхавання грамадзянскай адказнасці ўладальнікаў транспартных сродкаў можна атрымаць у Бюро краіны, на тэрыторыі якой адбылося ДТЗ.