Абавязковае страхаванне грамадзянскай адказнасці ўладальнікаў транспартных сродкаў (Міжнароднае страхаванне)

Дагавор міжнароднага страхавання заключаецца з уладальнікам транспартнага сродку або ад яго імя з вадзіцелем адносна транспартнага сродку, зарэгістраванага ў Рэспубліцы Беларусь і выязджаючага за яе межы для выкарыстання ў дарожным руху Расійскай Федэрацыі.

У якасці дакумента, які сведчыць заключэнне дагавора міжнароднага страхавання, можа выдавацца страхавы сертыфікат міжнароднага страхавання аўтаграмадзянскай адказнасці на бланку сіняга колеру або сертыфікаты «Зялёная карта» да іх расходавання.

Рэгуляванне страхавых выпадкаў і ажыццяўленне разлікаў з пацярпелымі ажыццяўляецца на тэрыторыі Расійскай Федэрацыі ў адпаведнасці з яе заканадаўствам.

ПРЫ НАДЫХОДЗЕ ДАРОЖНА-ТРАНСПАРТНАГА ЗДАРЭННЯ:

Асоба, прызнаная ва ўстаноўленым парадку прычыніцелем шкоды ў ДТЗ:

1. Павінна паведаміць аб ДТЗ ў ДІБДР.
2. Павінна перадаць пацярпеламу ў ДТЗ звесткі аб нумары гэтага страхавога сертыфіката і транспартным сродку (рэгістрацыйны знак, марка, мадэль і да т.п.).
3. Мае права паведаміць аб ДТЗ у Расійскі Саюз Аўтастрахоўшчыкаў па адрасе: вул. Люсінаўская, 27, стар. 3, 115093, г. Масква, Расія, Сакратарыят (7) (495) 771 69 47, (7) (495) 641 27 87, а таксама ў сваю страхавую арганізацыю.
    

Асоба, прызнаная ва ўстаноўленым парадку пацярпелым у ДТЗ:

1. Павінна паведаміць аб ДТЗ ў ДІБДР.
2. Мае права запатрабаваць ад прычыніцеля шкоды звесткі аб нумары дагавора абавязковага страхавання грамадзянскай адказнасці ўладальнікаў транспартных сродкаў, сапраўднага на тэрыторыі Расійскай Федэрацыі.
3. Мае права сфатаграфаваць па магчымасці месца здарэння, транспартныя сродкі ўдзельнікаў ДТЗ і іх пашкоджанні.
4. Мае права звярнуцца ў страхавую арганізацыю прычыніцеля шкоды (пры наяўнасці інфармацыі) з патрабаваннем аб ажыццяўленнi страхавой выплаты за шкоду, прычыненую ў ДТЗ жыццю, здароўю і (або) маёмасці, або звярнуцца ў Расійскі Саюз Аўтастрахоўшчыкаў па адрасе: вул. Люсінаўская, 27, стар. 3, 115093, г. Масква, Расія, Сакратарыят (7) (495) 771 69 47, (7) (495) 641 27 87.
    

АДКАЗНАСЦЬ БАКОЎ

Страхоўшчык абавязаны кампенсаваць шкоду, прычыненую пацярпеламу ў выніку ДТЗ, які адбыўся на працягу тэрміну дзеяння гэтага страхавога сертыфіката, прычыніцелем якога прызнаны ва ўстаноўленым парадку вадзіцель транспартнага сродку, указанага ў гэтым страхавым сертыфікаце. Кампенсацыя шкоды ажыццяўляецца ў адпаведнасці з заканадаўствам Расійскай Федэрацыі аб абавязковым страхаванні грамадзянскай адказнасці ўладальнікаў транспартных сродкаў.

Страхавальнік абавязаны пры заключэнні дагавора міжнароднага страхавання прадаставіць страхоўшчыку інфармацыю аб усіх вядомых яму абставінах, якія маюць істотнае значэнне для ацэнкі страхавой рызыкі.
Страхоўшчык мае права патрабавання ў межах выплачаных сум да юрыдычнай або фізічнай асобы, калі пасля страхавой выплаты будзе ўстаноўлена, што страхавальнікам або пацярпелым былі прадастаўлены заведама ілжывыя звесткі, якія прывялі да павелічэння сумы шкоды або неабгрунтаваную выплату.