Абавязковае страхаванне будынкаў

Страхавы тарыф 0,13% ад страхавой сумы

Аб'ектам абавязковага страхавання з'яўляецца жылы дом і розныя прыбудовы, якія складаюць адзіны (непадзелены) комплекс з жылым домам.

Для ўліку будынкаў для мэт абавязковага страхавання неабходна, каб будынкі:

- належалі на праве ўласнасці грамадзянам Рэспублікі Беларусь, замежным грамадзянам і асобам без грамадзянства,
- выкарыстоўваліся для пастаяннага пражывання і гаспадарчых патрэб.

Страхавымі выпадкамі з'яўляюцца страта (гібель) або пашкоджанне будынкаў у выніку моцнага ветру (у тым ліку шквалу, смерчу, урагану), граду, моцнага дажджу, моцнага снегападу, моцнага марозу, моцнай спякоты і іншых небяспечных з'яў прыроды, якія па сваёй інтэнсіўнасці (сіле), маштабу распаўсюджвання і (або) працягласці могуць прычыніць шкоду будынкам, высокага ўзроўню вады (пры разводдзях, паводках, заторах, зажорах), выхаду падглебавых вод, прасадкі грунта, абвалу, апоўзня, землятрусу, удару маланкі, пажару, выбуху, аварыі ацяпляльнай сістэмы, водаправодных і каналізацыйных сетак, падзення лятальных апаратаў, а таксама выпадкі, калі для спынення распаўсюджвання пажару або ў сувязі з раптоўнай пагрозай стыхійнага бедства, было неабходна разабраць будынкі ці перанесці іх на іншае месца.