Добраахвотнае страхаванне адказнасці і выдаткаў перавозчыка (згодна з Канвенцыяй аб дагаворы міжнароднай перавозкі грузаў 1956 года)

Па кожным дагаворы страхавання ўстанаўліваюцца наступныя ліміты адказнасці

• ліміт адказнасці па страхавым выпадку;
• ліміт адказнасці па ўсіх страхавых выпадках за перыяд дзеяння дагавора страхавання;
• ліміт адказнасці па кампенсацыі судовых выдаткаў.

Памер страхавой прэміі па рызыцы адказнасці, вызначаецца зыходзячы з абранага страхавальнікам тэрміну страхавання, ліміту адказнасці па адным страхавым выпадку, памеру безумоўнай франшызы і іншых фактараў, якія ўплываюць на ступень рызыкі.

Дагавор страхавання можа быць заключаны на тэрмін ад 1 да 12 месяцаў уключна.

Страхаванне, абумоўленае дагаворам, распаўсюджваецца на страхавыя выпадкі, якія адбыліся пасля прыняцця грузу да перавозкі і да моманту здачы яго грузаатрымальніку. Прыняццем грузу да перавозкі лічыцца перадача перавозчыку належным чынам аформленых таварасуправаджальных дакументаў пасля завяршэння пагрузкі грузу ў кузаў аўтатранспартнага сродку і яго мацавання.

З заявай на выплату страхавой кампенсацыі да страхоўшчыка мае права звярнуцца: выгаданабытчык або страхавальнік, калі ён зрабіў са згоды страхоўшчыка кампенсацыю ўрону выгаданабытчыку, або зрабіў судовыя выдаткі, калі яны былі прыняты на страхаванне.

Страхавая кампенсацыя можа быць выплачана толькі пасля таго, як будуць устаноўлены факт, прычыны, абставіны і памер урону ад страхавога выпадку, прадугледжанага дагаворам страхавання, і складзены акт аб страхавым выпадку.