Cтрахаванне медыцынскіх выдаткаў

Індывідуальная праграма медыцынскага страхавання для Вашага работніка, па дамове са страхоўшчыкам, можа ўключаць дадатковыя магчымасці па медыцынскім абслугоўванні для застрахаванай асобы:

• Стаматалогія
• Планавая шпіталізацыя
• Рэабілітацыйна-аднаўленчае лячэнне
• Медыкаментознае забеспячэнне
• Іншае

Кошт гадавога дагавора медыцынскага страхавання вар'іруецца ў залежнасці ад агульнай колькасці застрахаваных асоб, пераліку медыцынскіх паслуг і лячэбна-прафілактычных устаноў (ЛПУ), у якіх абслугоўваюцца застрахаваныя асобы.

Пры страхаванні калектыву прымяняецца гнуткая сістэма скідак.

1. Застрахаваная асоба звязваецца з прадстаўніком Страхоўшчыка па тэлефонах, азначанных у картцы застрахаванай асобы, пры гэтым: прадстаўляецца (прозвiшча, імя, імя па бацьку); паведамляе № поліса (пазначаны ў картцы); выкладае праблему, выказвае пажаданні аб выбары медыцынскай установы*, выбары часу наведвання ўрача (абследавання), а таксама паведамляе нумар свайго кантактнага тэлефона.
2. Для прымання рашэння аб наяўнасці страхавога выпадку і арганізацыі медыцынскіх паслуг застрахаваная асоба абавязана даць па патрабаванні Страхоўшчыка кансультатыўнае заключэнне (копію) з рэкамендацыямі па абследаванні і лячэнні, вынікі абследавання. Медыцынская дакументацыя, у тым ліку накіраванне на дыягнастычнае абследаванне, павінна быць аформлена ў адпаведнасці з патрабаваннямі Міністэрства аховы здароўя Рэспублікі Беларусь.
3. Пасля ўзгаднення прадстаўніком Страхоўшчыка з медыцынскай установай, застрахаваная асоба паведамляецца аб даце, часе, месцы аказання медыцынскай паслугі.
4. Пры наведванні медыцынскай установы мець на руках: картку застрахаванай асобы, пашпарт

* Пераважны выбар лячэбнай установы застаецца за страхоўшчыкам