Абавязковае страхаванне адказнасці камерцыйных арганізацый, якія ажыццяўляюць рыэлтарскую дзейнасць, за прычыненне шкоды ў сувязі з яе ажыццяўленнем

Парадак і ўмовы ажыццяўлення абавязковага страхавання адказнасці камерцыйных арганізацый, якія ажыццяўляюць рыэлтарскую дзейнасць, за прычыненне шкоды ў сувязі з яе ажыццяўленнем вызначаны Главой 17 Указа Прэзідэнта Рэспублікі Беларусь ад 25.08.2006 N 530 "Аб страхавой дзейнасці".

Страхоўшчыкам па абавязковым страхаванні адказнасці камерцыйных арганізацый, якія ажыццяўляюць рыэлтарскую дзейнасць, за прычыненне шкоды ў сувязі з яе ажыццяўленнем з'яўляецца Белдзяржстрах.

Страхавая сума па дагаворы абавязковага страхавання адказнасці на працягу ўсяго тэрміну яго дзеяння не можа быць меншай за 10000-кратны памер базавай велічыні.

Страхавы ўзнос па дагаворы абавязковага страхавання адказнасці разлічваецца страхоўшчыкам у адпаведнасці са страхавым тарыфам, устаноўленым Прэзідэнтам Рэспублікі Беларусь, і страхавой сумай.

Страхавы тарыф па абавязковым страхаванні адказнасці камерцыйных арганізацый, якія ажыццяўляюць рыэлтарскую дзейнасць, за прычыненне шкоды ў сувязі з яе ажыццяўленнем, устаноўлены ў памеры 0,6 працэнта.

Страхавальніку:

- запоўніць заяву аб страхаванні (форма заявы страхавальніка зацвярджаецца Міністэрствам фінансаў)

- звярнуцца з заявай (форма заявы страхавальніка зацвярджаецца Міністэрствам фінансаў) у любое падраздзяленне Белдзяржстраху

Якія дакументы неабходна даць страхавой арганізацыі?

Дагавор абавязковага страхавання адказнасці заключаецца на падставе пісьмовай заявы страхавальніка з дадаткам копій:

- пасведчанні аб дзяржаўнай рэгістрацыі;

- спецыяльнага дазволу (ліцэнзіі) на ажыццяўленне дзейнасці па аказанні юрыдычных паслуг з указаннем складнікаў ліцэнзiруемага віду дзейнасці паслуг - рыэлтарскіх паслуг, за выключэннем дзяржаўных рыэлтарскіх арганізацый.

Пры прадстаўленні копій пералічаных дакументаў страхавальнік абавязаны прад'явіць страхоўшчыку іх арыгіналы.