Абавязковае страхаванне грамадзянскай адказнасці перавозчыка перад пасажырамі

Абавязковае страхаванне грамадзянскай адказнасці перавозчыка перад пасажырамі ажыццяўляецца на падставе дагавора страхавання, які заключаецца перавозчыкам са страхоўшчыкам і дзейнічае як на тэрыторыі Рэспублікі Беларусь, так і за яе межамі. Адносна перавозак пасажыраў чыгуначным транспартам у міжнародных зносінах дагавор страхавання дзейнічае толькі на тэрыторыі Рэспублікі Беларусь.

Страхавая сума пры абавязковым страхаванні грамадзянскай адказнасці перавозчыка перад пасажырамі за шкоду, прычыненую жыццю або здароўю пацярпелага пры надыходзе страхавога выпадку, устанаўліваецца ў памеры 500 базавых велічынь, а за страту, нястачу або пашкоджанне (псаванне) яго багажу - у памеры 100 базавых велічынь.

Памер выплаты страхавой кампенсацыі вызначаецца ў беларускіх рублях зыходзячы з памеру базавай велічыні, устаноўленага на дзень ажыццяўлення выплаты.

Памеры страхавых узносаў устанаўліваюцца на адзін транспартны сродак (у тым ліку вагон) дыферэнцыравана ў залежнасці ад віду перавозкі і тэрміну страхавання. Памеры страхавых узносаў устанаўліваюцца Прэзідэнтам Рэспублікі Беларусь.

Перавозчык абавязаны заключаць дагаворы страхавання на ўвесь перыяд ажыццяўлення ім дзейнасці па перавозцы пасажыраў і багажу, але не больш як на адзін год.

Пры адсутнасці дагавора страхавання перавозчык нясе адказнасць перад пасажырамі на тых жа ўмовах, пры якіх павінна рабіцца выплата страхавой кампенсацыі пры належным страхаванні, г.зн. у памеры да 500 базавых велічынь па кожным пацярпелым пасажыру.