Страхаванне сельскагаспадарчых культур і шматгадовых насаджэнняў

- сельскагаспадарчыя культуры:
азімыя збожжавыя: пшаніца, жыта, ячмень, трыцікале;                  
яравыя збожжавыя: пшаніца, ячмень, авёс, трыцікале, грэчка, гарох, кармавыя бабы на зерне, віка і вікавыя сумесі, лубін кармавы, іншыя;

бульба, агародніна, насеннікі агароднінных культур; 

тэхнічныя: лён-даўгунец, рапс, цукровыя буракі, іншыя;
 
кармавыя культуры: кармавыя карняплоды, насеннікі кармавых карняплодаў, кукуруза на сілас і зялёны корм, сіласныя культуры, шматгадовая трава, іншыя;

- шматгадовыя насаджэнні:

пладова-ягадныя насаджэнні: семечкавые, костачкавыя, ягаднікі, хмель і іншыя;

гадавальнікі, кветкі.

Страхавым выпадкам з'яўляецца гібель сельскагаспадарчых культур, а таксама гібель, страта або пашкоджанне шматгадовых насаджэнняў, якая вядзе да абавязку страхоўшчыка правесці выплату страхавой кампенсацыі, у выніку падзей, прадугледжаных выбранымі варыянтамі страхавання

Дагавор страхавання заключаецца тэрмінам:            

для сельскагаспадарчых культур - ад моманту сяўбы (пасадкі) да моманту ўборкі ўраджаю;

для шматгадовых насаджэнняў - з дня адыходу ў зіму (спынення вегетацыі) да наступнага адыходу ў зіму (спынення вегетацыі). 

Страхаванне шматгадовых насаджэнняў (дрэваў, кустоў) магчыма з дня пераводу іх у асноўныя сродкі і да выключэння іх з асноўных сродкаў.

Страхавая сума ўстанаўліваецца па пагадненню паміж страхавальнікам і страхоўшчыкам пры заключэнні дагавора страхавання ў памеры, які не перавышае страхавы кошт сельскагаспадарчых культур і шматгадовых насаджэнняў, што прымаюцца на страхаванне.

Страхавым коштам лічыцца:

па сельскагаспадарчых культурах - разліковы кошт ураджаю;

па шматгадовых насаджэннях - сапраўдны кошт на дзень заключэння дагавора страхавання з улікам разліковага кошту ўраджаю па пладаносных шматгадовых насаджэннях.

Разліковы кошт ураджаю сельскагаспадарчых культур і шматгадовых насаджэнняў вызначаецца:
– па сельскагаспадарчых культурах – разліковы кошт ураджаю (зыходзячы з сярэдняй ураджайнасці з 1 гектара і дзеючых цэн (закупачнай, рэалізацыйнай), у разліку на ўсю плошчу, з якой запланавана атрыманне ўраджаю або плошчы пасеву;

– па шматгадовых насаджэннях – сапраўдны кошт на дзень заключэння дагавора страхавання з улікам разліковага кошту ўраджаю па пладаносных шматгадовых насаджэннях.

Памер страхавой прэміі па вiду сельскагаспадарчых культур, шматгадовых насаджэнняў вызначаецца зыходзячы са страхавой сумы і страхавога тарыфу па гэтым відзе сельскагаспадарчых культур, шматгадовых насаджэнняў.

Памер страхавой прэміі па дагаворы страхавання вызначаецца шляхам падсумоўвання страхавых узносаў па кожным відзе застрахаваных сельскагаспадарчых культур і шматгадовых насаджэнняў, прынятаму на страхаванне. 

Для заключэння дагавора страхавальнік можа звяртацца ў падраздзяленне Белдзяржстраху, якое размешчана ў раёне, дзе знаходзяцца пасевы сельскагаспадарчых культур (шматгадовыя насаджэнні).

Дагавор страхавання заключаецца на падставе пісьмовай заявы страхавальніка (насаджэння, сельскагаспадарчыя культуры) (па форме, вызначанай страхоўшчыкам).

З заявай аб страхаванні страхавальнік дае:

дакументы (іх копіі, завераныя кіраўніком страхавальніка), якія пацвярджаюць права ўласнасці (гаспадарчага вядзення) або іншай законнай падставы валодання (карыстання, распараджэння) страхавальніка (выгаданабытчыка) у дачыненні да сельскагаспадарчых культур і шматгадовых насаджэнняў.

У выпадку заключэння дагавора страхавання на карысць трэцяй асобы (выгаданабытчыка) страхавальнік абавязаны прадставіць дакументы, якія пацвярджаюць цікавасць дадзенай асобы ў захаванні прымаемай на страхаванне маёмасці. 

Неабходна таксама азнаёміцца з правіламі № 31 добраахвотнага страхавання сельскагаспадарчых культур.