Страхаванне выдаткаў па рамонце тавара

Аб'ектам страхавання з'яўляюцца маёмасныя інтарэсы страхавальніка (выгаданабытчыка), якія не супярэчаць заканадаўству Рэспублікі Беларусь, звязаныя:

• з выдаткамі па рамонце тавара;
• з выдаткамі па дастаўцы (транспарціроўцы) тавара, які падлягае рамонту, да бліжэйшага месца рамонта з ліку прадугледжаных у дагаворы страхавання рамонтных (сэрвісных) арганізацый.

Дастаўка (транспарціроўка) тавара павінна ажыццяўляцца пасля ўзгаднення са страхоўшчыкам арганізацыі, якая можа ажыццяўляць дастаўку тавара да месца рамонта. 

Зазначанныя выдаткі падлягаюць кампенсацыі толькі ў выпадку прызнання страхавым выпадкам факта панясення расходаў па рамонце тавара.

Страхавальнікамі могуць быць юрыдычныя асобы, індывідуальныя прадпрымальнікі, зарэгістраваныя ў вызначаным парадку, а таксама фізічныя асобы, у тым ліку замежныя грамадзяне і асобы без грамадзянства, якія заключылі са страхоўшчыкам дагавор страхавання.

Дагавор страхавання заключаецца на карысць спажыўца тавара, выдаткі па рамонце якога прымаюцца на страхаванне самога страхавальніка або іншай асобы  - выгаданабытчыка.

Дагавор страхавання на карысць выгаданабытчыка заключаецца без указання імя або наймення выгаданабытчыка. Пры заключэнні такога дагавора страхавальніку выдаецца дагавор страхавання на прад'яўніка.

Страхавым выпадкам з'яўляецца

• факт панясення выдаткаў на працягу перыяда дзеяння дагавора страхавання страхавальнікам (выгаданабытчыкам) у сувязі з рамонтам тавара. Пры гэтым страхаванне распаўсюджваецца на ўсе выпадкі панясення выдаткаў страхавальнікам (выгаданабытчыкам) у сувязі з рамонтам тавара, а таксама вузлоў і дэталей гэтага тавара, выдаткі па рамонце якіх будуць кампенсавацца па дагаворы страхавання. Пералік вузлоў і дэталей узгадняецца бакамі пры заключэнні дагавора страхавання.
• факт панясення страхавальнікам (выгаданабытчыкам) выдаткаў па дастаўцы тавара.

Пералік рамонтных майстэрняў, у якія спажывец абавязаны звярнуцца па рамонту тавара, з'яўляецца неад'емнай часткай дагавора страхавання.