Абавязковае страхаванне з дзяржаўнай падтрымкай ураджаю сельскагаспадарчых культур, жывёлы і птушкі

Парадак і ўмовы ажыццяўлення абавязковага страхавання з дзяржаўнай падтрымкай ураджаю сельскагаспадарчых культур, жывёлы і птушкі вызначаны Главой 8  Палажэння аб абавязковым страхаванні, зацверджанага Указам Прэзідэнта Рэспублікі Беларусь ад 18.03.2025 нумар 108 "Аб страхаванні".

Страхоўшчыкам па абавязковым страхаванні сельскагаспадарчай прадукцыі з'яўляецца Белдзяржстрах.

Аб'ектам абавязковага страхавання сельскагаспадарчай прадукцыі з'яўляюцца маёмасныя інтарэсы страхавальніка, звязаныя:

• з гібеллю прынятых на страхаванне сельскагаспадарчых культур;
• з гібеллю (падзяжом), экстраным забоем (знішчэннем), адабраннем па рашэнні мясцовых выканаўчых і распарадчых органаў пры ліквідацыі ачагоў заразных хвароб, прынятых на страхаванне жывёлы і птушкі.

Страхавая сума па дагаворы абавязковага страхавання сельскагаспадарчай прадукцыі ўстанаўліваецца асобна па кожным відзе сельскагаспадарчай культуры, жывёлы і птушкі ў памеры 75 працэнтаў страхавога кошту ўраджаю сельскагаспадарчых культур і 100 працэнтаў страхавога кошту жывёлы і птушкі.

Страхавы ўзнос па дагаворы абавязковага страхавання сельскагаспадарчай прадукцыі разлічваецца страхоўшчыкам па кожным відзе сельскагаспадарчай культуры, жывёлы і птушкі асобна шляхам памнажэння страхавой сумы па гэтаму віду сельскагаспадарчай культуры, жывёлы і птушкі на страхавы тарыф.

Страхавы ўзнос выплачваецца ў безнаяўнай форме ў наступным парадку:

1. 5 працэнтаў разлічанага страхавога ўзносу - страхавальнікам адначасова пры заключэнні дагавора абавязковага страхавання сельскагаспадарчай прадукцыі, 
2. 95 працэнтаў разлічанага страхавога ўзносу - страхоўшчыку ў парадку, устаноўленым Саветам Міністраў Рэспублікі Беларусь, за кошт сродкаў, прадугледжаных у рэспубліканскім бюджэце на сельскую гаспадарку, рыбагаспадарчую дзейнасць:

- па страхаванні ўраджаю сельскагаспадарчых культур - не пазней за 1 жніўня года, у якім павінен быць убраны ўраджай дадзенай сельскагаспадарчай культуры, за выключэннем выпадкаў, указаных у частцы трэцяй гэтага пункта;

- па страхаванні жывёлы і птушкі - не пазней за 1 снежня года, у якім заключаны дагавор абавязковага страхавання сельскагаспадарчай прадукцыі.